حمادة النشيد
رفرف الإحساس
وزغرد جوَّه صدرى
علقت الزينات
زوقت ف البتارين
رصيت ع الطرق
حواديت
لقيت خطوتى
وبين شفايفى
ضحكتى
وياك أن
لقيت روحى
فارده الحياة
بين الضلوع
أنفاس تشد
جوف الزمن
يبتسم
يحدد مولدى
اشتد عودى
وأتغزل بالنور
زى بنات الحور
عاد النهار
شابك عيونه
ف طرحتى
فستان فرح
فارد شراعه
ع المحن
ومدارى الليالى
العطشانين
الشط مواله حنين
باعت نوارس للسنين
فكُّوا شعور الشجر
وخضروا توب للبدن
عدى الشجن
واترمى ويا اللى عدى
حلم الوجود
جوه القلوب
هو الهنا
لعمرى السعيد
حمادة الغنا
حمادة النشيد
ليست هناك تعليقات:
إرسال تعليق