عالم تانى
افتح ف عالم خيالى
واخلى حبالك حبالى
وافرش سحابة
تغنى لحالى
ونقعد نحكى
نبكى الليالى
وحلمك يزمجر
الدنيا تمطر
تزغرد تعكر ف صفو القمر
تمرح شعورنا ف ضفاير سهر
تبحلق فى حلم السما والبيوت
شقاوة تطل ف عيونا تفوت
ما يهدا الشتا
يكرمش عيون الزمان اللى عدا
انكساره ف حروفه
تزعق وتهدى
مدارى الصراحة
ف قلب الفانوس
وذكرى بعيدة
تدق الناقوس
تشقلب مفاتيح الحياة واللعب
وسن القلم بجرحه انكتب
بيرمح سحابة
ف وشى ووشك
بالته تلون ف صورتك وحسك
ويعلا كلامك وازعل واغضب
وأقفل ف عالم خيالى وأهرب
وأدارى اللعب
ينام التعب
ليست هناك تعليقات:
إرسال تعليق