صوت الولايا علا
صوت الولايا علا
وبقى البكا ولوله
وصراخ بطول اليوم
صوت الرجال بيزوم
عزم الرجال مكتوم
بقى له نواح البوم
والحرب دايره تحوم
بين سلب.. نهب.. هموم
وإحنا ف سلبيه
وكلامنا مش مفهوم
قراراتنا ما بتتحد غرقانه ما بتعوم
والفكر ما بيفوق
نعسان ف عز النوم
إمتى القيامة تقوم
ضيعتوا ليه أرضكم
خنتوا عطايا الزمن
بكاكوا مالهوش ثمن
وليدكوا مات م الألم
مدفون معاه الوطن
أدعو القيامة تقوم
أو ييجى يوم يتولد
عزم الرجال ويدوم
كل النسا ف الخلا
حاملين سلاح الضنا
بيدافعوا عن أرضهم
ورجالنا ف المنحنى
صوت الولايا علا
وبقى البكا ولوله
ليست هناك تعليقات:
إرسال تعليق