ابتسامة شجن
لولى الندى
لمح ابتسامة الشجن
بتطل من عين الحياة
قافل على الحلم النجاة
هفهافة لطمات الزمن
مرسومة فوق برواز وجود
متهيبة حزن وأسى
مستغربة ليه أتنسى
شوق النسيم
ع البورتوريه
لوحة بفرشة ملونة
تستنى غنوة ممكنة
جوا التفاؤل تبتدى
تنور قلوبنا المعتمة
تطلق عنان
أبعاد أزمته
فينطفى الوجه الخفى
جوا نهار ما ينطفى
يبتسم الشجن العفى
ويحضن شعورى بالفرح
جوا حبات الندى
ويبتسم
ليست هناك تعليقات:
إرسال تعليق