ساعة الحيط
يا ساعة الحيط
عاقدة حبالك ف الغويط
بتنسجى ف الوقت غيط
أما بتتخضر عيدانه
وأما بيسقط ف المحيط
حررى عقرب عيونك
من قلوبنا
رغبة الصبر ف دمانا
وف ظروفنا
الفوضى طارحة نفسها
بين الكسل
والنجاح محتاج شقا
طعمه عسل
وجه القدر بقى متسع
محتاج تأنى بالعبر بالمبتدأ
كل الساعات بتبتدى
والموت لوحده
آخر خبر
الحق فى رغبة شعور
بين الحياة
ألمح ف ساعة الحيط
نجوم على السماه
خلى دقايق العقارب تلمحك
قبل المغارب ما تطوحك
ف حلقة خالية م الحياة
جرس الشعور
إنذار يقول
انتبه الوقت سيف
أما يكون ليك المخيف
وإما تهمل حدته
وتكون ضعيف
تنتهى وسط البشر
من غير لا ذكرى
ولا مضيف
وكأن اسمك ضيف نحيف
بيحل موته مع
أول جرس
ليست هناك تعليقات:
إرسال تعليق