يا بلادي العالم مش طيب
يا بلادى العالم مش طيب
العالم ماشى بأحقاده
العالم راجل متشيك
بيدارى سواده وأغراضه
علشان نفسه يبيع أولاده
ويألف حكايات بطولاته
ويدارى ف عيوبه وذاته
ويصدق أكاذيبه ويعلن
ويعلم معنى انتصاراته
يا بلادى العالم مش طيب
يا تحاذرى ف قانون أبعاده
بالعلم وبالفكر تواجهى
فلسفته ورؤيته وعناده
يا حيعمل زى اللى خانوكى
وحاينسب اسمك لولاده
وينادى بتاريخ أهرامك
وبنيلك راح يسقى أحفاده
ويبرهن ف نتايج فهمه
ويكفر غيره وأسياده
يا بلادى العالم مش طيب
العالم ماشى بأحقاده
ليست هناك تعليقات:
إرسال تعليق