ضــوء
النبض
يتعبد ف القلب
يتغلف بالمجهول
على قد السرعة
يكون العمر
بيصاحب قلق
اتخلق جوَّه إطار
الانتظار
وبحيرة الأيام
مش على طول نهار
نشوة وصفا
أو ضوء رضا
إنما
جواها ملامح فضا
أو حمول
رافضه الهدى
يرسى ف ثنايا
الروح مدى
بين الجسد
وآه م الحسد
بيحول خلايا الأمان
للمدار ف الحطام
ويبقى النبض السريع
علامة الاحتداد
واللجوء للمسبحة
الخوف مباح
والأمان بينادى
حى على الفلاح
يستعيد النبض
قوة رغبته
ف الاعتدال
ويمارس العمر
الحياة بالاتزان
ليست هناك تعليقات:
إرسال تعليق